Siç është bërë e ditur më herët, Vllaznia e futbollit femra është pjesë e Turneut Ndërkombëtar të Fusales që zhvillohet me datë 13 dhe 14 dhjetor në “Centi Colella” te L’ Aquila-Itali me pjesëmarrjen e katër ekipeve: Lion Futsal Club di Zurigo(Zvicër), Riga FC Ëomen(Letoni), Chornomorets Odesa(Ukrainë) dhe Vllaznia(Shqipëri).
E mbërritur që prej ditës së djeshme në Romë ku do të zhvillohen ndeshjet e turneut, skuadra kuqeblu ka marra pjesë sot në një ceremoni zyrtare të organizuar për nder të ekipeve pjesëmarrëse. Takim ky, që nga ana e drejtuesve të delegacionit sportiv shqiptar, inspektorit të sektorit të femrave në FSHF Florian Riza, presidentit të KFF Vllaznia Lazër Matija, si dhe trajnerit kuqeblu Nikolin Leka, është shoqëruar edhe me takime pune me organizatorët e aktivitetit dhe autoritet vendase.
Pjesë e këtij takimi ka qënë edhe hedhja e shortit për ndeshjet e turneut, ku goglat kanë fiksuar që ndeshjen e parë Vllaznia do ta zhvillojë përballë skuadrës ukrainase, Chornomorets Odesa. Takimi në fjalë do të luhet nesër në qëndrën sportive “Centi Colella” te L’ Aquila-Itali duke filluar nga ora 15:00.
Për Vllazninë e futbollit të femrave, kjo është pjesëmarrja e parë në një turne ndërkombëtar të futsalës, por në të njëjtën kohë, është edhe e para herë që një skuadër femrash në Shqipëri merr pjesë në një turne të tillë në Futsal.
