Ndërsa kuqeblutë vijojnë përgatitjet për ndeshjen e radhës, atë që do të luhet pasditen e së enjtes kundër Dinamos në stadiumin “Loro Boriçi” duke filluar nga ora 16:45, Klubi i Futbollit Vllaznia ka gati biletat për këtë sfidë.
Nga sa bëhet e ditur, shitja e tyre do të nis nga mëngjesi i së mërkurës deri në fillimin e ndeshjes të së enjtes.
Konkretisht, për t’i ardhur më shumë në ndihmë tifozëve bëjmë me dije edhe oraret kur sportelet pranë stadiumit “Loro Boriçi” do të jenë të hapura. Të mërkurën nga ora 10:00 deri në 14:00 dhe 16:30 deri në 19:30. Ndërsa të enjten, nga ora 10:00 deri në fillimin e ndeshjes.
