Laçi-Vllaznia 2-2(Shënues: Myrta 10′, Tresa 26′(p)/ Çoba 55′, Mensah 63′)
Në barazim 2 me 2 është mbyllur ndeshja në mes Laçit dhe Vllaznisë, takim ky i luajtur pasditen e sotme në stadiumin e Laçit, i vlefshëm për javëne 27-të të Abissnet Superiore.
Një ndeshje me dy pamje, ose me dy fytyra për ekipin kuqeblu, i cili e nisi në mënyrën më të keqen ndeshje, kur në harkun kohur të 26-të minutave ndëshkohet me dy gola me autor Myrta dhe Tresa, përkatësisht në minutat 10 dhe 26-të. Gola këto që krahas të tjerave u pësuan nga defektet e shfaqura nga prapavija, fillimisht me Stojanoviç dhe më pas edhe Bajrami me shkaktimin e penalltisë.
Pushimi në dhomat e zhveshjes mes dy pjesëve, i ka vlejtur trajnerit Brdariçi, cili me tre ndyshimet e bëra, largimin e Sales, Stojanoviç dhe Dodajt, dhe aktivizimin e Grudës, Jago dhe Mensah, ndikoi në një transformim për mirë të lojës së Vllaznisë.
Me rritjen e lojës sulmuese dhe presionin në portën kundërshtarë, në harkun kohor të 8 minuatave, dolën në dtitë dy golat kuqeblu njëri pas tjetrit. Fillimisht me autor Mehdi Çobën në të 55-tën dhe më pas në të 63-tën me Alfred Mensah që regjistron golin e parë me Vllazninë që prej ardhjes së tij në radjët e kuqebluve.
Pas golit të barazimit, Vllaznia kishte më tepër moral duke shikuar vazhdimisht drejt portës kundërshtare, që nëse nuk u shënua goli i tretë për Vllazninë, meritë të padiskutueshme ka edhe portjeri i Laçit, shkodrani i ardhur nga Italia, Marko Molla.
Përfundimisht, për sesi ishte ecuria e takimit, Vllaznia largohet nga Laçi me barazimin 2 me 2.