Vllaznia triumfon në “Loro Boriçi” dhe rimerr vendin e dytë. Partizani zyrtarisht në krizë!

Vllaznia mundi 2-0 Partizanin në “Loro Boriçi”. Pjesa e parë ishte e barabartë, nuk prodhoi gol dhe skuadrat që shkuan në dhomat e zhveshjes në barazim.

Në fillimin e pjesës së dytë, Ildi Gruda nuhati mjaft mirë një top që po vinte nga mesi i fushës i cili shfrytëzoi gabimin e Qirkos për të tundur rrjetën. Më pas, Vllaznia u kthye për të administruar avantazhin, pa i lejuar shumë hapësira Partizanit. Kuqeblutë festuan golin e dytë pak më vonë, me Grudën që shërbeu për Balajn,  por goli u konsiderua offside pas kontrollit në VAR. Të kuqtë mbetën me një lojtar më pak pas kartonit të kuq të Domgjonit dhe pësuan edhe golin e dytë nga Bajrami duket vulosur fitoren e merituar të shkodranëve.

Kështu, Vllaznia ngjitet në kuotën e 49 pikëve dhe falë humbjes së Dinamos në Rrogozhinë rimerr vendin e dytë në klasifikim. Partizani është zyrtarisht në krizë me humbjen e 4-t radhazi në kampionat (7 javë pa fitore) dhe tashmë vënë seriozisht në dyshim pjesëmarrjen në “Final 4”, pasi mbeten në kuotën e 40 pikëve në klasifikim.

 

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu