Kalendari i Javës së dytë të Abissnet Superiore e ka vendosur Vllazninë të luajë në fushën e saj duke pritur Kukësin udhëtues. Ndeshja do të luhet mbrëmjen e së dieles duke nisur nga ora 19:30 dhe për kuqeblutë është e një rëndësie të veçantë, pasi tifozëria shkodrane pret reagimin e skuadrës së zemrës pas asaj humbje zhgënjyese të javës së parë në transfertë me Erzenin e Shijakut.
Në pritje të kësaj ndeshje, klubi kuqeblu ka vendosur që të nxjerr në treg biletat që prej mëngjesit të së enjtes. Përmes njoftimit përkatës zyrtar, klubi bën të ditur se për t’i ardhur në ndihmë tifozëve të pajisen me biletë, përpos pikës së zakonshme pranë stadiumit “Loro Boriçi”, biletat do të shiten edhe në një pikë tjetër, pranë dyqanit “Universal” në ëndër të qytetit të Shkodrës.
NJOFTIM
KF Vllaznia bën të ditur se nga dita e nesërme do të nisë shitja e biletave të ndeshjes Vllaznia- Kukësi që do të luhet ditën e dielë në orën 19.30 në stadiumin “Loro Boriçi”.
Ju njoftojmë se për këtë sezon, përpos pikës së zakonshme në sportelet pranë stadiumit, biletat do të shiten edhe pranë dyqanit UNIVERSAL në adresën: Rruga Qemal Draçini, Tek Pallati “Exalco”, Shkodër.
Në këtë dyqan biletat do të shiten që nga dita e nesërme deri ditën e ndeshjes, ndërsa në sportelet pranë stadiumit, shitja do të fillojë ditën e premte dhe deri të dielën. Forca Vllaznia! Eja edhe ti!
