Tre sfidat e luajtura dje, që regjistruan barazim në Egnatia-Laçi, fitore të Tiranës në Shkodër 0-1, si dhe fitore të Teutës 2-0 në derbin me Erzenin, i kanë lënë vendin dy duele të sotme, të cilat mbyllin javën e 30-të të kategorisë Abissnet Superiore.
Përballjet e sotme, janë mes dy objektivave, atë mbijeteses, kur bëhet fjalë për sfidën Kastrioti-Kukësi, si dhe për titullin kampion dhe mbijetesen në duelin Partizani-Bylis.
Sfida e parë, Kastrioti-Kukësi, është planifikuar të luhet në orën 15:00, ndërkohë që e dyta, ajo Partizani-Bylis, nis në orën 18:00.
Bazuar në rezultatet e djeshme, duhet thënë se me fitoren e arritur dje në “Loro Boriçi” ndaj Vllanzisë, bardheblutë kanë thelluar përkohësisht diferencën në +8 nga Partizani që do të përballet ditën e nesërme me Bylisin. Ndërkohë Teuta ka parakaluar në renditje Kukësin dhe Erzenin duke u ngjitur në vendin e 6-të me 38 pikë në 30 ndeshje.
Kalendari i javës së 30-të të Superiores
Dje
Egnatia-Laçi, 1-1
Vllaznia-Tirana, 0-1
Teuta-Erzeni, 2-0
Sot
Kastrioti-Kukësi, ora 15:00
Partizani-Bylis, ora 18:00
