Erzeni luan sot kundër Bylisit në orën 15:00 në stadiumin “Niko Dovana” të Durrësit. Një ndeshje ku të dyja skuadrat duan patjetër të marrin pikë.
Ndaj ballshiotëve Erzeni nuk ka regjistruar asnjë fitore këtë kampionat dhe do të shpresojë ta arrijë këtë ditën e sotme. Ndryshe nga herët e tjera, Kapllani e ka më të plotë grupin, teksa janë rikthyer disa lojtarë nga dëmtimet.
Një triumf në duelin e sotëm do të ishte frymëmarrje për shijakasit, të cilët do t’i largoheshin zonës së ftohtë tri javë para fundit të kampionatit.
