Është mbyllur Kampionati Europian i boksit për të rinjë i zhvilluar në Ploiesti të Romanisë. Me rezultatet e arritura, pjesëmarrja e kombëtares kuqezi është konsideruar e suksesshme.
Boksieri tiranas Ahmet Koçi u shpall nënkampion i Europës, Jurgen Lazri i Vllaznisë u rendit në tetë më mirët e Europës, Arba Kuçi për femra, ndonëse nuk u fut në zonën e medaljeve mori vlerësime shumë pozitive, ndërkohë që një shkodran tjetër që jeton në Angli, Adam Maca u shpall kampion Europe në peshën e tij.
Për të gjitha këto, flet pas kthimit nga Romania, trajneri i Vllaznisë, Klaodio Çekini, i cili krahas të tjerave ka meritën kryesore për përgatitjen e boksierit të tij Jurgen Lazri.
(Video) Prononcimin e plotë të trajnerit të Vllaznisë dhe të kombëtares së boksit për të rinj, Klaodio Çekini, mund ta ndiqni në kanalin tonë zyrtar Veriu Sport-YOUTOBE.
