Kombëtarja kuqezi vijon përgatitjet në prag të ndeshjes me Spanjën. Do të jetë një ndeshje e vështirë përballë “Iberikëve” duke pasur parasysh kualitetin e tyre, por për Shqipërinë luhet një kualifikim i mundshëm në fazën tjetër. Nedim Bajrami, autori i golit të parë ndaj Italisë ishte futbollisti i radhës i përzgjedhur nga stafi i kombëtares për të folur në konferencën për shtyp dhënë mesditen e së shtunës në kampingun gjerman ku është akomoduar kombëtarja kuqezi.
Ndeshja, Shqipëri-Spanjë, e vlefshme për grupin B të Europianit 2024, do të luhet mbrëmjen e së hënës së ardhme të 24 qershorit, ora 21:00.
