Vllaznia-Besëlidhja 74-92( 15-24, 22-19, 17-28, 20-21)
Ashtu siç pritej, derbi verior i Superligës së basketbollit shqiptar të meshkujve, Vllaznia-Besëlidhja, është zhvilluar nën shoqërinë e një atmosfere shumë entuziaste. Një atmosferë elektrizuese që përpos tifozërisë shkodrane, që vazhdojnë të mbeshtesin fuqishëm skuadrën e tyre, të pranishëm ishin edhe një grup i zgjeruar tifozësh nga Lezha, të cilët për hirë të së vertetes krenohen me skuadrën e tyre, e cila prej dy-tyre sezonesh është lidër i basketbollit shqiptar.
Ndeshja e luajtur në pallatin e sportit “Qazim Dervishi” për llogari të gjysmëfinales së dytë të fazës Play Off, nisi më mirë për Besëlidhjen që fiton periodën e parë 15-24, ndërkohë dhjetë minutëshi i dytë flet për kuqeblutë 22-19, por pjesa e parë mbyllet me avantazhin 37-43 për miqtë nga Lezha.
Vllaznia e drejtuar nga trajneri Eni LLazani vazhdon të luajë edhe në pjesen e dyte, madje duke barazuar dhe marrë avantazhin me 1 pikë. Por, më rikthimin në fushën e lojës, kuqeblutë luajnë më mirë dhe duke ndërsa vijojnë të luajnë mirë edhe në periodën e katërt,
Por, vetëm kaq, sepse kualitetet e Besëlidhjes me në krye trajnerin shkodran që drejton lezhjanët, Afrim Bilali nuk e lejojnë Vllazninë të shkojë më tej dhe me koshat e njëpasnjëshëm, disa prej tyre edhe me vlerë tre pikëshe, fitojnë periodën e tretë 17-28, si dhe të katërtën 20-21, mbyllin të gjithë ndeshjen me fitoren e tyre 74-92.
Në prononcimin e pas ndeshjes, kraharas të tjerave, trajneri i Vllaznisë Eni Llazani ka rezerva për gjykimin e ndeshjes, ku sipas tij ndikoi në rezultatin e humbjes së kuqebluve.
Nga ana tjetër, trajneri i Besëlidhjes Afrim Bilali, deklaron se fitorja e skuadrës së tij ishte e merituar, ndërsa beson shumë se skuadra e tij shkon në finale dhe shpallet kampione.
Kjo ishte beteja e dytë e fazës Play Off, ku e para e luajtur në pallatin e sportit “Asllan Rusi” të kryeqytetit është fituar nga lezhjanët me rezultatin 78-65. Ndeshja e ardhshme, e treta në duelin Play Off, Vllaznia-Besëlidhja, luhet të enjten në kryeqytet, ku nëse arrijnë të fitojnë lezhjanët, mbyllet gjithçka me fitoren e lezhjanëve 3-0 dhe kualifikohen në finale. Në rast të kundërt, nëse Vllaznia fiton në Tiranë, atëherë luhet një ndeshje e katërt përsëri në Shkodër.
(Video) Ndeshja e plotë Vllaznia-Besëlidhja basket meshkuj, pjesa e parë dhe e dytë, transmetuar nga Veriu Sport, me koment. Si dhe prononcimet pas ndeshjes të dy trajnerëve Eni Llazani(Vllaznia) dhe Afrim Bilali(Besëlidhja).
Gaspër MARKU
