KF Pogradeci e ka seriozisht objektivin e kualifikimit në kategorinë Superiore. Një gjë të tillë po e dëshmon mjaft mirë me merkaton shumë cilësore që po bën në prag të nisjes së kampionatit të kategorisë së parë. Ndërkohë që pasi erdhi firma e Paolo Kasmollari, në orët e vona ka edhe dy blerje të tjera të liqenorëve. Ata janë Bedri Greca dhe Imoh Ezekiel, dy lojtarë që janë prezantuar nga ana e klubit.
Me kaq shumë afrime deri tani, madje shumë prej tyre cilësore, do të thotë që liqenorët nuk kanë ndërmend të ndalen, pasi synojnë vetëm superligën dhe kjo do duket qartë në investimi i madh i presidencës me afrimin e kaq shumë lojtarëve.
Fatos LAMAJ
