E nisur ditën e djeshme me tre sfidat e para: Vora – Flamurtari, Partizani – Elbasani, dhe Dinamo – Bylis, java e 22-të e “Abissnet Superiore” vijon sot me duelet e tjera Teuta – Vllaznia, Egnatia – Tirana, të cilat janë të fundit që mbyllin këtë javë.
Që të dyja ballafaqimet e sotme luhen në të njëjtën orë, 16:30, ku në stadiumin “Niko Dovana” përballen Teuta-Vllaznia ndërsa sfida tjetër është Egnatia-Tirana që do të luhet në stadiumin “Egnatia Arena”.
Sa i takjon ndeshjeve të djeshme, dueli i parë Vora-Flamurtari, u mbyll në barazim 0-0, me një pikë shumë të rëndësishme të vlonjatëve në transfertë.
Përballja tjetër Partizani-Elbasani e luajtur në stadiumin “Arena e Demave”, ps episodeve të shumta që afroi kjo ndeshje u mbyll në barazim, 2-2.
Në barazim, por pa gola u mbyll edhe takimi tjetër i luajtur në “Air Albania” të kryeqytetit në mes Dinamos dhe Bylisit, me ballshiotët shumë simpatikë në shumë e lojës dhe dinamovitët që vazhdojnë të mos jenë në nivelin e ballafaqimeve të mëparshme.
Kalendari i javës së 22-të, Abissnet Superiore
Dje
Vora – Flamurtari, 0-0
Partizani – Elbasani, 2-2
Dinamo – Bylis, 0-0
Sot
Teuta – Vllaznia, ora 16:30
Egnatia – Tirana, ora 16:30
