Kuqeblutë e Vllanisë kanë nevojë më shumë se kurrë për mbështetje në këto javë të fundit të kampionatit. Dhe, këtë, e kanë kuptuar më mirë se askush tjetër tifozët e grupimit “Vllaznit Ultras”, të cilët me veprimin e tyre duke u shfaqur në tribunën e stadiumit “Loro Boriçi” gjatë stërvitjes së skuadrës shoqëruar me entuziasmin dhe brohoritjet e tyre karakteristike kanë përcjellë mesazhin e duhur në mbështetje të Vllaznisë për sfidat e mbetuara të kampionatit.
Veprimi i grupimit “Vllaznit Ultras” ka emocionuar dhe mbushur me moral futbollistët dhe stafin teknik të Vllaznisë, gjë të cilën nuk kanë nguruar ta përcjellin përmes një postimi zyrtar në faqen e KF Vllaznia.
KRAH PËR KRAH DERI NË FUND
Sot në stërvitje nuk ishim vetëm.
Zëri dhe zemra e Shkodrës ishte aty.
Faleminderit Vllaznit Ultras për mbështetjen – në çdo moment, në çdo betejë.
Kjo është familje. Kjo është forcë.
Ne në fushë, ju në shkallë…
bashkë për një qëllim: Vllazninë në majë.
