Kampionati “Abissnet Superiore” ka përmbyllur ndeshjet e javës së 7-të, me pesë takime të zhvilluara nga e premtja deri të dielën.
Java nisi me fitoren 2-0 të Teutës në “Elbasan Arena” ndaj Dinamo City. Të shtunën, Tirana mposhti Laçin me rezultatin 1-0, ndërsa Skënderbeu fitoi 2-1 ndaj AF Elbasanit.
Dy sfidat e së dielës u mbyllën me fitoret e Vorës dhe Egnatias. Vora triumfoi 4-1 ndaj Partizanit, ndërsa Egnatia fitoi 3-1 përballë Vllaznisë.
Pas javës së 7-të, Teuta kryeson kampionatin me 19 pikë, e ndjekur nga Egnatia me 18 pikë. Dinamo City renditet në vendin e tretë me 12 pikë, ndërsa Tirana mban vendin e katërt me 11 pikë.
Vora ngjitet në vendin e pestë me 8 pikë. AF Elbasani dhe Laçi kanë nga 7 pikë, ndërsa Skënderbeu renditet në vendin e tetë me 6 pikë. Vllaznia mban vendin e parafundit me 5 pikë, ndërsa Partizani mbyll renditjen me 4 pikë.
Abissnet Superiore – Java e 7-të
Dinamo City 0-2 Teuta
Tirana 1-0 KF Laçi
Skënderbeu 2-1 AF Elbasani
FK Vora 4-1 Partizani
Egnatia 3-1 Vllaznia
