Java e 24-t e kampionatit “Abissnet Superiore” u mbyll pasditen e sotme me dy sfidat e fundit, Skënderbeu – Laçi dhe Teuta – Dinamo City. Laçi triumfoi me shifrat 0-2 ndaj Skënderbeut në transfertën e Korçës ndërsa sfida Teuta – Dinamo City u mbyll në barazim 0-0.
Të dielën, derbi i kryeqytetit Partizani – Tirana përfundoi në barazim 1-1. Egnatia fitoi 2-1 në transfertën ndaj Elbasanit, duke ruajtur kreun e renditjes me 45 pikë. Ndërkohë, Vllaznia mposhti me rezultatin e pastër 3-0 Bylisin në “Loro Boriçi” duke vijuar të qëndrojë në vendin e dytë me vetëm dy pikë më pak sesa rrogozhinasit.
Partizani dhe Dinamo mbajnë vendin e tretë dhe të kartërt me pikë të barabarta, nga 40-të të tilla. Katër ekipet e zonës së ftohtë të tabelës së klasifikimit janë Bylis dhe Teuta me nga 40-të pikë, Tirana e parafundit me 23 pikë dhe Skënderbeu i fundit që mbyll tabelën e klasifikimit me 20 pikë.
