Janë përcaktuar arbitrat që do të drejtojnë sfidën e të enjtes, të cilën kuqezinjtë do e zhvillojnë në transfertë kundër Polonisë, ora 20:45, e vlefshme për kualifikueset e “Katar 2022”. Vijnë nga Italia dhe arbitër kryesor do të jetë, Maurizio Mariani, i mbështetur nga Filippo Meli dhe Ciro Carbone.
Arbitër i katërt pritet të jetë Daniele Doveri. Në VAR do të jetë Michael Fabbri dhe Asistent VAR pritet të jetë Alessandro Giallatini. Maurizio Mariani është i njohur për shikuesit shqiptarë me vendimet e tij në Serinë A, ku nuk kanë munguar dhe polemikat.
