“Shqipëria e vërtetë është kjo, pak e çmendur. Jemi të lumtur dhe duam të falënderojmë tifozët”
Mesfushori kuqezi, Kristjan Asllani ka folur pas ndeshjes kundër Kroacisë, e cila përfundoi në barazim 2-2.
Ndeshje shumë e çuditshme, cila është Shqipëria e vërtetë?
“Shqipëria e vërtetë është kjo, pak e çmendur. Jemi të lumtur dhe duam të falënderojmë tifozët. E nisëm në drejtimin e duhur, më pas humba një mundësi për të shënuar dhe pësuam dy gola shumë të shmangshëm. Ne barazuam dhe mund ta kishim fituar. Është për të ardhur keq, por ne po përmbahemi pikës së fituar”.
A ishte emocionuese të luash kundër Modric?
“Emocionuese në fushë, unë i kisha parë këta kampionë në TV. Jam i lumtur, mendoj se bëra një ndeshje të mirë. Jam veçanërisht i lumtur për ekipin, nuk ishte e lehtë pas kritikave për ndeshjen kundër Italisë”.
