Egnatia-Bylis 2-2(Xhemajli 41’, Bakajoko 71’/Gjata 25’, Kane 79’)
Kartonë të verdhë:Alijev 24’, Xhemajli 30’/Ofori 5’, Kane 38’, Ilieski 49’, Sulovari 54’, Muktar 59’, Çelaj 90’
Kartonë i kuq: Sulovari 69’
Egnatia: Dajsinani,Dylis,Xhemajli,Alijev,Fangaj,Zejnullai(Fernando 64),Uotlai(Melo 77),Ujka(Jahaja 77),Ndreca(Kasa 36),Lushkja,Guindo(Bakajoko 64) Trajner:Edlir Tetova
Bylis: Batista,Ofori(Marku 46),Ilieski,Përndreca,Muktar,Sulovari(Berko 64),Kane,Ruçi,Malomo(Përgjoni 46),Mustafa(Çelaj 79),Gjata(Da Silva 46) Trajner:Gentian Mezani
Gjyqtarë:Silvio Dyrmishi,Rexhep Muzhaqi,Denis Memelli(Elbasan),Ditmir Grimci(Shkodër) Var:Orlando Kuka(Tiranë) Avar:Indrit Myrtja Delegat:Eraldi Shera(Shijak) Vëzhgues:Klajdi Kola(Tiranë)
Egnatia dhe Bylis qarkullojnë topin në minutat e para,duke studiuar njëra-tjetrën. Rasti i parë i takon Egnatias dhe është Guindo që shfaqet rrezikshëm por në fund mbrojtësi Ilieski largon rrezikun nga zona. Minutat kalojnë dhe skuadrat bëjnë disa gabime në mesfushë duke mos ju afruar zonave respektive. Tjetër mundësi për vendasit dhe sërish Guindo shfaqet rrezikshëm por këtë radhë është portieri Batista që ndal sulmuesin e Egnatias.
Bylis arrin të përfitoj nga gabimet e Egnatias dhe një aksion i shpejtë i tyre gjen në zonë sulmuesin Gjata i cili tenton të fus një top në zonë por Alijev e devijon me dorë topin. Fillimisht kryesori Dyrmishi vijon lojën dhe pasi topi del jashtë arbitri kryesor thirret për të parë pamjet në monitor,pas rishikimit Dyrmishi akordon 11-metërsh të cilin e kthen në gol po vet Gjata.
Bylis shpërthen në festë pas golit dhe mundohet të bëj gjithçka për të gjetur golin e dytë të ndeshjes por pa ja dalë. Loja fillon dhe bëhet mjaftë e ashpër aq sa kryesori Dyrmishi akordon 4 karton të verdhë nga dy për secilën skuadër,madje në një moment kërkohet kartonë i dytë i verdhë për lojtarët e Bylis por kryesori i takimit e kalon thjeshtë me një këshillë.
Ne minutat e fundit të pjesës së parë ndeshja bëhet më interesante dhe është Egnatia që barazon shifrat me anë të mbtojtësit Xhemajli i cili devijon topin e kthyer nga Kasa në drejtim të portës së Bylis. Në fundin e pjesës së parë jan 4 minuta shtesë që sjellin dy mundësi për sulmuesin Gjata të Bylis por të dyja gjuajtjet përfundojnë larg kuadratit të portës. Me shifrat 1-1 mbyllet pjesa e parë.
Pjesa e dytë nis si një fotokopje e pjesës së parë,ku të dyja skuadrat qarkullojnë dendur topin duke mos lënë hapësira mbrapa. Ka nervozizëm tek miqtë dhe kryesori Dyrmishi nuk heziton për të ndëshkuar me karton të verdhë lojtarët miq. Ndërsa iniciativën e parë në pjesën e dytë e mer Bylis i cili me anë të mesfushorit Sulovari por krosimi i tij ndalet nga portieri Dajsinani. Kundërsulmon Egnatia dhe është Lushkja që jep një top për Bakajoko,por është portieri Batista që lexon gjithçka dhe largon topin.
Tek Bylis nuk ndalet nervozizmi dhe një ndërhyrje e gabuar e mbrojtësit Përndreca ndaj Uotlai ndëshkohet me karton të kuq nga ana e kryesorit Dyrmishi në drejtim të mbrojtësit të Bylis. Pas kartonit të kuq e gjithë skuadra e Egnatias hidhet në sulm për të gjetur golin e avantazhit dhe ja arrin qëllimit.
Një dalje e pa studiuar e portierit Batista nuk arrin të ndal sulmuesin Bakajoko që arrin të gjej të pa përgatitur mbrojtjen e Bylisit dhe gjen golin e dytë për Egnatian. Minutat pas golit të avantazhit nga Egnatia e gjen skuadrën e Bylis në vështirësi aq sa skuadra ballshiote nuk arrin dot të shkoj tek porta e Egnatias.
Disa gabime të lojtarëve vendas që kalojnë në ekstazë pas avantazhit të mar bëjnë që të shpërdorojnë disa pasime të thjeshta. Nga gabimet e Egnatias përfiton Bylis duke barazuar ndeshjen me anë të mesfushorit Kane i cili godet fluturimthi brenda zonës duke mposhtur portierin Dajsinani. Një barazim që më tepër është për vetëkënaqësi sepse ndeshja e parë në “Adush Muçaj” ishte fituar nga Egnatia me shifrat 1-3.
Edhe katër minuta shtesë të akorduara në fund të kohës së rregullt nga ana e arbitrit të katërt Grimci nuk sjellin asgjë me gjithë ndeshjen që mbyllet me shifrat e barabarta 2-2,edhe pse në minutën e 4-të shtesë Egnatia gjen golin e tretë me Bakajoko por kryesori Dyrmishi e anullonë për pozicion të parregullt. Gjithçka mbyllet me shifrat 2-2 me Egnatian bëhet skuadra e tretë gjysëmfinaliste pas Vllaznisë dhe Partizanit që u kualifikuan ditën e djeshme.
Fatos LAMAJ