Lionel Messi arriti të rinovojë plot nëntë herë kontratën gjatë qëndrimit me skuadrën e Barcelonës dhe çdo herë, paga e tij vinte në rritje. Këtë fenomen kërkon të shmangë tashmë klubi katalan me Lamin Jamal. Kontrata e sulmuesit skadon në 2026, e presidenti Laporta synon të arrijë një kontratë për një periudhë më të gjatë kohore. Ai është i bindur se me famën që por merr Jamal sigurisht që duhet të ketë edhe pagëm më të lartë në skuadër.
Në një intervistë të fundit për AS, Lamine Yamal deklaroi se nuk ka ndërmend të diskutojë rinovimin e tij deri në fund të sezonit. Kjo gazetë ka raportuar gjithashtu se vazhdimi i kontratës së sulmuesit të Barçës nuk do të jetë i lehtë, pavarësisht sigurimeve të shprehura nga lojtari dhe agjenti i tij, Jorge Mendes, i cili vazhdimisht këmbëngul se qëndrimi i Yamalit te Barça është “100 për qind i sigurt”.
Ndërsa ishte ende i mitur, në verën e vitit 2023, Lamine Yamal rinovoi kontratën me Barcelonën deri në vitin 2026. Nuk mund të shkonte më tej sepse ishte i mitur dhe rregulloret e bëjnë shumë të qartë që kontratat nuk mund të bëhen më shumë se tre vjet. Në atë kohë ishin rënë dakord parimisht, për vazhdimin e kontratës deri në vitin 2030, kur lojtari mbushi 18 vjeç.
Por duke parë shpërthimin e tij në futboll, këto kushte u sfumuan dhe të dy palëve u është dashur të takohen sërish. Është e rëndësishme të kujtojmë se plani i klubit është t’i ofrojë atij një kontratë progresive në mënyrë që të mos përsëritet gabimi i bërë me Leo Messin, i cili, mes rinovimeve dhe përmirësimeve të herëpashershme, arriti shifra që ishin të papërballueshme për të ardhurat e Barcelonës. Kujtojmë se gjatë gjithë kohës së tij te Barcelona, sulmuesi argjentinas nënshkroi gjithsej nëntë rinovime kontratash, duke përmirësuar pagën e tij çdo dy vite. Tani për tani, Lamine Yamal po shkon në të njëjtën rrugë, dhe kjo është ajo që Barcelona do të përpiqet të shmangë. Edhe pse ata janë plotësisht të vetëdijshëm se sulmuesi duhet të jetë lojtari më i paguar në skuadër, sepse ai tashmë është ndër më të mirët në botë.