Vllaznia-Teuta 77-70
(22-14, 21-21, 22-22, 12-13)
Vllaznia: Tomer(18), Rakaj(15), Shestani(8), Butler(21), Coper(4)/ Dobbs(3), Memçaj(8), Gjeçaj, Kruja. Trajner: Damian Bekteshi
Teuta: Gorea(4), Core(19), Bruce(14), F. Lilaj, Peterson(16), Cashman, Beich(9), Ndreca(5), R. Lulaj(2). Trajner: Melzin Lazimi
Gjyqtarë: Olsi Kasmi, Edison Gjoni, Ani Balliu
Vllaznia në basketboll për meshkuj e ka mbyllur në mënyrën më të mirë fazën e dytë të Kampionatit Kombëtar të basketbollit për kategorinë Superiore. Mbrëmjen e së shtunës ka pritur në pallatin e sportit “Qazim Dervishi” Teutën e Durrësit, në një ndeshje të prapambetur për llogari të fazës së dytë të Kampionatit Kombëtar.
Ndeshja, e cila ishte edhe e fundit për fazën e dytë, është karakterizuar nga një rivalitet mes dy skuadrave, të cilat janë që të dyja pjesë e fazës finale Pay Off. Fillimi i kuqebluve të drejtuar nga trajneri i ri, Damian Bekteshi ka qënë më i miri i mundshëm, pasi avantazhi i marrë në fund të peridës së parë 22-14 ka shërbyer për Vllazninë që ta administrojë takimin deri në mbyllje të tij.
Barazim në periodën e dytë 21-21, por që Vllaznia shkon në dhomat e zhveshjes me avantazhin 43-35. Ekuilibri në fushën e lojës vazhdon edhe në periodën e tretë, e cila regjistron përsëri barazim, këtë radhë 22-22.
Dhjetë minutat e fundit janë më të zjarrtat, djemtë durrsakë të drejtuar nga trajneri Melzin Lazimi luajnë më mirë, madje arrijnë ta shkurtojnë diferencen deri në 4 pikë, porn ë fund, edhe pse e fitojnë këtë periodë 12-13, nuk arrijnë të frenojnë fitoren e merituar të Vllaznisë me rezultatin 77-70.
Një fitore e merituar kjo për Vllazninë, e cila në periudhën “Bekteshi” në drejtim është e gjashta ndër shtatë takime, çka tregon një bilanc shumë pozitiv, për trajnerin, por edhe për vetë Vllazninë, e cila tashmë me plot kuptimin e fjalës duhet thënë se është rikthyer bindshëm në lojrat dhe rezultatet pozitive.
Vllaznia-Teuta, mbylli fazën e dytë të Kampionatit Kombëtar, ndërkohë java e ardhshme i takon fazës Play Off, ku shorti i ka vënë kuqeblutë të luajnë ndeshjen e parë gjysëmfinale, të mërkurën e ardhshme me Tiranën në transfertë .
Gaspër MARKU
(Video:Pamje nga ndeshja Vllaznia-Teuta, basketboll meshkuj 77-70)
