Elbasani-Vllaznia 59-79(9-25, 21-21, 9-17, 20-16)
Sibora Këlleçi, Dea Sali, Emi Skuqi, Xhemile Ahmetaj, Rexhina Hasa(C), Frida Korumi, Ana Bodini, Melisa Panxhi, Alesia Sota, Ester Feçanji, Afori Zyba, Livia Qorri. Trajner: Arben Xhyra
Ingrit Dashja, Anisa Bokrina, Melida Hykaj, Bernada Rreshpja(C), Sindi Kryeziu, Isra Dibra, Medina Hykaj, Anisa Musaja, Sara Murcaj. Trajnere: Medina Mustafa
Gjyqtarë: Fatjon Malevi, Serxho Gjoni. Vëzhgues: Arben Kasmi.
Dy ndeshje, dy fitore, dhe që të dyja në transfertë, ky është bilanci i ekipit të basketbollit femra të Vllaznisë e drejtuar nga trajnerja Medina Mustafa. Fillimisht, kur kalendari përcaktonte luajtjen e ndeshjeve të para në transfertë, u konsiderua një minus për Vllazninë. Por, edhe pse larg tifozërisë kuqeblu, basketbollistet shkodrane, mes të cilave si zakonisht Bernada Reshpja spikat si pikëshënuese, ku edhe këtë radhë, ajo ishte më e mira e krejt ndeshjes me 30 pikë të shënuara, e ndjekur nga kolegja e saj kuqeblu, Anisa Bokrina me 24 pike.
Referuar ecurisë së ndeshjes së zhvilluar në pallatin e sportit “Tomorr Sinani” të Elbasanit ka nisur më mirë për ekipin e Vllaznisë. Madje dominimi absolut i periodës së parë duke e fituar atë me rezultatin e thellë 9-25, do të ishte edhe baza kryesore që dha sinjalet e fitores e krejt ndeshjes.
Megjithatë, falë një mobilizimi të skuadrës vendase, dhjetë minutëshi i periodës së dytë paraqitet më luftarak duke u mbyllur në barazim 21-21, por pa frenuar Vllazninë të shkojë në dhomat e zhveshjes me fitoren e pjesës së parë, 30-46.
Por ajo që vendos gjithçka në këtë ndeshje, ishte perioda e tretë, periodë të cilën e fiton përsëri Vllaznia, këtë radhë me shifrat 9 me 17 duke e rritur avantazhin në plus 24. Ndonëse Elbasani arrin të fitojë periodën e katërt 20-16, e gjithë ndeshja mbyllet me fitoren e merituar të Vllaznisë me shifrat e thella 59-79.