Ballkaniada e boksit, e cila ka startuar prej së enjtes në Zagreb të Kroacisë, sot ka qënë në ditën e tyretë të saj. Bazuar në rezultatet e arritura deri më tani, kombëtarja e Shqipërisë që drejtohet nga kryetrajneri Zef Gjoni dhe kolegët e tij, Sead Bushati dhe Lazarin Vila është duke bërë një prezantim të shkëlqyer.
Dje, pas përfundimit të ditës së dytë, 4 boksierët kuqezi, Krenar Zeneli, Denis Nurja, Alban Beqiri dhe Indrit Laçi, fituan të drejtën që të boksojnë në ndeshjet finale. Ndërkohë, për një vend në finale ka konkuruar ditën e sotme edhe boksieri tjetër shqiptar, Rexhildo Zeneli. Ballafaqimi i tij në ring ka qënë me konkurentin nga Maqedonia e Veriut, ku në përfundim, boksieri kuqezi ka dalë fitues i ndeshjes. Me këtë fitore të Zenelit, numri i boksirëve tanë që fituan të drejtë të ndeshen në finale shkon në pesë.
Duke folur për Veriu Sport nga Zagrepi, kryetrajneri kuqezi, shkodrani Zef Gjoni, shprehet i kënaqur për rezultatet e arritura nga boksierët shqiptarë në tre ditët e para të aktivitetit. Krenar Zeneli, Denis Nurja, Alban Beqiri, Indrit Laçi, dhe Rexhildo Zeneli, janë zyrtarisht boksierët e kombëtares shqiptare që do të vijojnë nesër betejat në ndeshjet finale me objektiv fitoren e medaljeve të arta.
Sipas tij trajnerit Gjoni, ndonëse në finale mund të ketë ndonjë dhuratë të bukur me fitimin e ndonjë medalje të artë, me kualifikimin në finale të pesë boksierëve tanë, ky vlerësohet si ndër përfaqësimet më dinjitoze të boksit shqiptar gjatë viteve të fundit.
