“Grushti i Hekurt”, Turneu i Boksit Profesionist i organizuar në Tiranë me pjesëmarrjen e boksierëve të përzgjedhur shqiptar dhe atyre të ardhur nga Turqia, kishte në program ndeshje të kategorisë amatore, olimpike si dhe profesioniste, të cilat u ndoqën me shumë interes nga tifozëria kryeqytetase.
Pjesë e këtij turneu ishte edhe boksieri i talentuar Pashuk Gjoni, pjesë e ekipit “North Boxing Albania” me qëndër në Shkodër që drejtohet nga trajnerët, vëllezërit Emiliano dhe Klaudio Çekini.
Një boksier, i cili u shpall kampion edhe në Kampionatin Kombëtar U19 të zhvilluar pak ditë më parë në Pukë, aty ku specialistët e boksit e pikasen duke e planifikuar të angazhohet edhe në boksit profesionist.
Dhe, ndeshja e tij e parë si debutues në profesionizëm nis me fitore, kur në duelin prej katër raundesh përballë boksierit nga Tirana Saimir Dedja, bëri një paraqitje shumë të mirë.
“Një ndeshje spektakolare arriti të paraqesë në ring boksieri ynë Pashuk Gjoni, duke marre fitoren e parë në boksin profesionist. Mbas 4 raundeve shumë luftarake kundër boksierit nga Tirana, Saimir Dedja, Gjoni të shlallet fitues duke vazhduar mbarë një rrugë të re, atë në boksin profesionist. I urojmë shumë suksese kampionit Gjoni. North Boxing Albania ~ Team GJONI”, shkruhet në postimin zyrtar të North Boxing Albania, për boksierin e talentuar, i cili stërvitet prej pesë vitesh nën patronazhin e trajnerëve, Emiliano dhe Klaodio Çekimi.
Gaspër MARKU
