Vllaznia dhe Elbasani kanë barazuar në ndeshjen e vlefshme për javën e 26-të të Superiores. Sfida e zhvilluar në stadiumin “Loro Boriçi”, përfundoi me rezultatin 1-1. Pas kësaj sfide ka folur trajneri i shkodranëve, Thomas Brdaric.
“Nuk ishte rezultat i drejtë, investuam shumë në këtë ndeshje. Kishim avantazhe dhe mundësi, por ndodh në futboll sepse kishim përballë një portier mjaft të mirë si ai i Elbasanit. Duhet të jemi më të qetë për të pritur momentin e duhur. Nuk ishim mjaft të qetë në disa moment. 1 pikë është 1 pikë, por përsëri mund të bëjmë më mirë.
Elbasani është ekip me eksperiencë dhe po luftojnë për Final 4. E nisëm lojën që të fitonim ndeshjen dhe të fitonim pikë. Morëm 1 pikë sot, por definitivisht e dija që mund të merrnim më tepër nëse fati do të ishte në anën tonë. Do punojmë që ndeshjen tjetër të shënojmë, mbajmë portën e paprekur dhe të kalojmë turin në Kupë.
Qato është një lojtar që ka humbur shumë ndeshje e stërvitje, në ndeshjen e kaluar luajti pak minuta. I dhamë disa minuta por ishim me një më pak. E dimë që nuk është gati të luajë 90 minuta, i dhamë mundësi që të gjejë ritëm se na duhet si lojtar. Edhe ai e di që mund të bëjë më mirë në disa pjesë loje. Por kryesisht duhet të jemi të përulur, të punojmë fort dhe vazhdojmë rritjen se kemi lojtarë pa eksperiencë, apo me eksperiencë, duhet të kemi balancë të mirë në ekip, shpirt e atmosferë të mirë. Me disa skema taktike të mundohemi të fitojmë ndeshjet.
Sulmi? Për mua është gjëja më e rëndësishme që të kemi balanca, presing të mirë dhe të ruajmë portën e paprekur. Të shënojmë është qëllimi ynë, është në ADN-në tonë dhe jam krenar që ia dalim të shënojmë dhe të jemi ata që shënojmë sa më shumë. Por duhet të rrimë me këmbë në tokë, fitojmë, dhe duhet të kalojmë limitet dhe sot nuk ishte 100%. Kemi bërë disa gabime dhe duhet të kuptojmë që nëse bëjmë këto gabime, nuk mund të jesh në majë. Do të mësojmë shpejt nga ajo që po bëjmë dhe shpresojmë që të bëjmë hapin tjetër”, tha Brdariç për RTSH pas ndeshjes.