Me një dopietë të brazilianit Vinicius dhe një gol tjetër të Alfredo Di Stefano, Real Madrid-i triumfoi në sfidën e parë çerekfinale të Champions League-s duke mundur Liverpoolin me rezultatin 3-1. Talenti 20 vjeçar nga Brazili, Vinicius Junior ishte i papërmbajtshëm në këtë ndeshje. Goli i parë i Realit me autor Vinicius vjen në minutën e 27-të pas një krosi të dhënë nga Kroos. Braziliani tregon klasin e tij teksa e stopon topin me gjoks dhe më pas me të djathën e tij potente gjuan mjeshtrisht duke mposhtur Alisson-in. Nuk vonon shumë dhe pastaj në të 36-tën minutë vjen goli i dytë me autor Asension duke e çuar avantazhin në 2-0 për Real Madrid. Në të 51-ën minutë janë anglezët që shënojnë me anë të Salah duke e ngushtuar përkohësisht diferencën me 2 me 1 në favor të Realit. Pas kësaj, Reali reagoi menjëherë duke krijuar raste të njëpasnjëshme goli, ndërsa ishte përsëri Vinicius, i cili shënoi golin e dytë personal dhe të tretin e ndeshjes, me rezultatin që nuk ndryshoi deri në fund. Në këtë mënyrë, Reali merr një fitore shumë të rëndësishme, duke shkuar i qetë për ndeshjen e kthimit, ndërsa Liverpool nuk i mbetet gjë tjetër veçse të gëzohet me golin në fushë kundërshtare
