Skënderbeu-Dinamo 0-4 (Nasto 30′ (og), Mandela 90+5′, Qardaku 94′, Zabërgja 115′)
Skënderbeu: Rroku,Akpama,Nasto,Ramos,Zenullari(Beluli 46),Kamelu(Emanuel 57),Ukiçi,Janaqi (Shkëmbi 64), Çuçka, Felipe(Latifi 64), Shefiti(Balaj 57) Trajner:Ernest Gjoka
Dinamo: Teqja, Meksi(Jonuzi 90+1),Dita(Hoxha 105),Aliji,Loran,Qefalija,Gudiabi(Qardaku 76),Bregu(Toli 60),Zabërgja,Nani(Itodo 60),L.Vila(Karamba 90+1) Trajner:Ilir Daja
Gjyqtarë:Emanuela Rusta(Elbasan),Mario Shazivari,Gerald Cenolli,Erjon Bastari(Tiranë) Var:Enea Jorgji(Elbasan) Avar:Erjon Bylykbashi(Elbasan) Delegat:Ilirjan File(Elbasan) Vëzhgues:Sokol Çekaj(Laç)
Dinamo ka triumfuar në transfertë përballë Skënderbeut në sfidën e kthimit të çerekfinales së Kupës së Shqipërisë. Pasi ishte mposhtur 0-2 në ndeshjen e parë, sot dinamovitët triumfuan 0-4 duke shkuar në gjysmëfinale.
Një Dinamo që e nis e gjitha në sulm ku që në 17 minutat e para krijon tre mundësi të pastra shënimi. Fillimisht pas zhvillimit të një goditje nga këndi,topi shkon te Bregu i cili gjuan nga jashtë zonës,por kalon sferën mbi traversë. Në momentin e dytë është Zabërgja që rrotullohet me shpejtësi në kufijtë e zonës dhe lëshon një gjuajtje të fortë,e cila kalon pak mbi traversën e portës së Rrokut. Sulmet e skuadrës së Dinamos nuk ndalen dhe këtë herë ishte Bregu nga e majta që harkoj në zonë ku Nani me kokë nuk gjen portën e vendasve. Një Skënderbe i cili për një pjesë të mirë të ndeshjes pothuajse ishte në pritje pasi dhe formacioni ishte pothuaj i gjithë ekipi i U19.
Edhe Skënderbeu del para dhe ka mundësinë të gjuajë me Janaqin,por sfera devijohet dhe shkon qetësisht në duart e portierit Teqja. Skënderbeu merr zemër dhe krijon një tjetër mundësi me anë të Çuçkës që gjuan nga distanca por topi shkon përmbi tra. Me sulmet e një pas njëshme të skuadrës së Dinamos golit vinte rrotull dhe pikërisht një kros i ardhur nga krahët e sulmit nga Bregu gjen të papërgatitur mbrojtësin Nasto që e devijon gabimisht në portën e skuadrës së tij Skënderbeut.
Sërish Dinamo që krijon një tjetër mundësi me anë të Loran por këtë radhë është mbrojtësi Nasto që largon rrezikun. Sërish Dinamo me tre mundësi të pastra por dy herë portieri Rroku dhe njëherë gabimet e lojtarëve të Dinamos nuk arrijnë të shënojnë gol tjetër duke e mbyllur pjesën e parë me një gol.
Pjesa e dytë është fotokopje e së parës,ku Dinamo sulmon dhe Skënderbeu mbrohet. Bregu dhe Qefalija japin shkëndijat e para por portieri Rroku mbron me fanatizëm portën e Skënderbeut. Vendasit e Skënderbeut mundohet të reagoj dhe është Ukiçi që del në pozicion gjuajtje por në fund topi largohet nga Meksi.
Itodo i sapofutur mer një pasim të mirë në të majtën në zonë,por gjuajtja e tij kalon mbi traversë. Sulme të vazhdueshme nga Dinamo por pa ja dal të shënojnë golin e dytë. Përgjigjet Skënderbeu dhe është Akpama që lëshon një harkim në zonë i cili devijohet nga Dita që për pak sa nuk shkakton autogol.
Përveç golit të pësuar Skënderbeu ngelet me 10 futbollistë pasi Ramos kap nga fanella Zabërgjën duke mos e lejuar të shkojë drejt zonës,Rusta lejon lojën të vazhdojë normalisht,por më pas ftohet nga VAR që të gjykojë pamjet dhe vendos t’i tregojë të kuqin lojtarit të korçarëve,dhe këtu nis gjithë ndryshimi pasi Dinamo arrin të sulmoj vazhdimisht dhe është Mandela i cili gjuan dhe godet shtyllën,më pas një tjetër gjuajtje e tij me kokë kalon jashtë edhe pse me portën thuajse të boshatisur.
Sërish Dinamo që sulmon dhe këtë herë është portieri Rroku që ndal sulmuesit e Dinamos. Kur mendohej se ndeshja do mbyllej me rezultatin 0-1,në minutën e 5-të nga 7-të minuta shtesë të dhëna në fund të kohës së rregullt,është Dinamo që krijon dy raste brenda zonës së Skënderbeut fillimisht Mandela i vetëm në zonë gjuan me kokë por çon topi shkon te Rroku.
Në momentin e dytë është Itodo i cili shënon dhe çon topin në rrjetë dhe duke çuar ndeshjen në shtesë dy herë nga 30 minuta. Shtesa e parë nis me gol sërish dhe është Dinamo që gjen golin e tretë dhe të kualifikimit. Shkëmbi kthen në mënyrë të gabuar topin mbrapa dhe mbrojtja nuk ndal Qardakun i cili godet i vetëm para Rrokut duke shënuar goli e tretë.
Është Rroku që ndal një gjuajtje të Qardakut i cili ishte i vetëm pas pasimit të Zabërgjës,i lënë edhe një herë i vetëm në zonë. Rroku ndal edhe një depërtim të Karamba para portës së tij,duke treguar edhe njëherë formën e mirë që po kalon.
Shtesa e parë mbyllet me vetëm një gol ndërsa e pjesa e dytë nis me Dinamon në kërkim të golit të sigurisë dhe është Zabërgja i cili mer një pasim në qendër të zonës por ndalet përsëri nga Rroku. Është Jonuzi që gjuan nga jashtë zonës,por topi përplaset në traversë dhe kalon mbi portën e korçarëve. Futbollistët e Skënderbeut dalin dy herë radhazi në pozicione të mirë kundërsulmi por preferojnë të mos pasojnë dhe humbasin rrezikshmërinë e aksionit. Dhe kur pritej që ndeshja të mbyllej është Zabërgja i cili vulos rezultatin 0-4. Pas një krosimi nga e majta,topi shkon te Zabërgja i cili i vetëm tund rrjetën e portës korçare.
Me këto shifra mbyllet e gjithë ndeshja ku fokusi i Skënderbeut është kampionati aty ku korçarët renditen të fundit ndërsa sipas deklarimeve të stafit teknik Kupa e Shqipërisë nuk ishte në objektivat e tyre. Dinamovitët bëhen gjysmëfinalistët e katërt, pas Partizanit, Vllaznisë dhe Egnatias.
Fatos LAMAJ