TEUTA 1-2 DINAMO (Daci 35′ / L. Vila 13′, 43′)
Në “Niko Dovana” ka qenë një ndeshje emocionuese ku Dinamo mori një fitore shumë të rëndësishme, teksa mposhti me rezultatin 2-1 Teutën, në ndeshjen e vlefshme për javën e 18-të në Superiore.
Fillimisht ishte Dinamo i cili kaloi në avantazh me anë të Vilës, ndërsa më vonë ishte Daci i cili barazoi rezultatin për durrsakët në minutën e 35-të. Por ende pa përfunduar pjesa e parë, ishte Vila përsëri për Dinamon i cili kaloi kryeqytetasit në epërsi.
Pjesa e dytë ishte intensive dhe me raste të shumta, ku atëherë kur nuk pritej, Teuta shënon golin e barazimit, por VAR ndërhyri dhe anuloi gjithçka, duke i shuar kështu festën vendasve.
Me këtë fitore, Dinamo ngjitet në vendin e pestë me 22 pikë, ndërsa Teuta mban vendin e fundit me 16 pikë.
