- Egnatia është kampionia në fuqi e Kupës së Shqipërisë. Rrogozhinasit tashmë për të tretin vit radhasi kërkojnë finalen.
Kjo pasi siç dihet kanë arritur ta fitojnë dy vite radhasi këtë trofe,teksa ditën e sotme dëshirojnë të hedhin një tjetër hap të sigurtë drejt finales. Prej dy sezonesh jan të pathyeshëm në këtë turne,teksa humbja e fundit e tyre në Kupë daton më 17 nëntor të vitit 2021,ku Kukësi i mposhte 1-0 me gol të Gjelbrim Taipit.
Tashmë mesfushori si për ironi të fatit mban veshur fanellën e Partizanit,teksa Egnatia në këto sezone ka luajtur 20 ndeshje,ku ia ka dalë ti kalojë me sukses. Stratistika këto që trembin të kuqtë,të cilët nuk e shijojnë Kupën prej më shumë se 21 vitesh.
Edlir Tetova dhe ekipi i tij tashmë synojnë të shkojnë në finale për të tretin vit rresht,madje dhe të ngrejnë në qiell sërish këtë trofe,ndërsa nga krahu tjetër kërkohet kalimi në finale pas 21 vitesh.
Trajneri i rrogozhinasve do të ketë dy mungesa të rëndësishme ndaj kryeqytetasve. Ndreca dhe Malota nuk do të mund të japin kontributin e tyre në këtë përballje,teksa Skënder Gega ka fatin të ketë grupin e plotë. Tropojani në këto kushte do të hedhë në fushë gjithë artilerinë e rëndë.
Formacionet e mundshme
Egnatia:Dajsinani,Alijev,Xhemajli,Dylis,Fangaj,Aleksi,Fernando,Ujka,Zejnullai,Lushkja,Bakajoko Trajner:Edlir Tetova
Partizani:Hoxha,Bytyçi,Preka,Sembene,Domgjoni,Ismaili,Mehmeti,Taipi,Zeka,Eleke,Bintsuka Trajner:Skender Gega
Fatos LAMAJ