Ndërkohë që në kampet përkatëse, trajnerët e Egnatias dhe Vllaznisë, Gugash Magani dhe Tomas Brdeariç, tashmë kanë përcaktuar gjithçka sa i përket emrave që do ta nisin nga minuta e parë, gjithçka gati është edhe në aspektin organizativ. Krahas aspekteve të tjera, drejtuesit e klubin rrogozhinas kanë përcaktuar edhe çmimin e biletave për këtë ndeshje. Për t’i ardhur në ndihmë tifozëve, sidomos të atyre shkodranë, të cilët pritet të udhëtojnë drejt Rrogozhinës për ta ndjekur live këtë ndeshje në stadium, Veriu Sport ju sjellë informacionin e saktë zyrtar në lidhje me çmimin e biletave si dhe pozicionin që ato korespondojnë në shkallët e stadiumit “Arena Egnatia”.
“Një biletë në tribunën VIP do të kushtojë 2000 lekë, në tribunat A dhe A1, bileta kusht 500 lekë, ndërsa në tribunat B dhe B1 biletat kushtojnë 300 lekë. Për Vllazninë, Egntia ka rezervuar tribunën C dhe bileta për tifozët shkodranë do të kushtojë rreth 300 lekë.”, thuhet në njoftimin zyrtar të KF Egnatia për këtë pragndeshje.
Ndeshja, për javën e 8-të të Abissnet Superiore, “Arena Egnatia”, luhet në stadiumin “Arena Egnatia” duke filluar nga ora 13.45.
