Vora është shpallur kampione e Kategorisë së Dytë, pasi mundi në finale skuadrën e Elbasanit, por akoma nuk janë mbyllur të gjitha llogaritë për këtë sezon. Kanë mbetur edhe dy sfidat e “Play-Off” për të mësuar se cilat janë skuadrat që do të ngjiten në Kategorinë e Parë për sezonin e ardhshëm.
Ndeshja Veleçiku-Valbona e Grupit A do të luhet në orën 16:00 në stadiumin e Vorës. Veleçiku u rendit e dyta në Grupin A të Kategorisë së Dytë, ndërsa Valbona në vendin e tretë.
Në Grupin B, Pogradeci do të përballet me skuadrën e Labërisë. Ky takim është planifikuar të luhet në datën 18 maj në stadiumi “Arena Egnatia” në Rrogozhinë duke nisur nga ora 16:00. Pogradeci është në vendin e dytë të Grupit B në Kategorinë e Dytë, ndërsa Labëria një vend më poshtë.
Fituesi i Grupit A përballet me vendin e 9 të Kategorisë së Parë ndërsa fituesi i Grupit B me vendin e 10.
18 Maj 2023
GRUPI A/ 16:00 Veleçiku – Valbona (Stadiumi i Vorës)
GRUPI B/ 16:00 Pogradeci – Labëria (Arena Egnatia)
