Vllaznia U17-Partizani U17 1-1
(Shënues: Kubazi 59’/Gjeta 53’
Vllaznia U-17: Lekaj, Marashi, Likaj, Kubazi, Ara, Gerbeti, Guri, Sylia, Hajdari, Çelepija.(U aktivizuan: Meta, Smakaj, Kapllanaj). Trajner: Gilman Lika
Partizani U17: Muçaj, Loci, Misja , Manjani, Hidri, Xhetani, Qamili, Bali, Gjeta, Pasho.(U aktivizuan: Marini, Muçaj, Rrenga)
Gjyqtarë: X. Bacaj, E. Burgu, O. Loci, B. Pjetrushi
Kampionati Kombëtar i futbollit për Superligën e moshave U-17 ka përballur sot në stadiumin “Reshit Rusi” të Shkodrës, Vllazninë vendase dhe Partizanin mysafir. Megjithë përpjekjet e të dy skuadrave, pjesa e parë mbyllet me rrjeta të paprekura, 0 me 0. 45 minutëshi i dytë është më i bukur, jo vetëm për dy golat e shënuar por edhe ritmin e kënaqshëm, sidomos nga ana e Vllaznisë.
Partizani kalon i pari në avantazh me anë të Gjetjes në minutën e 53-të, dhe pas 6 minutash është Kubazi që shënon për Vllazninë duke barazuar rezultatin në 1 me 1.
Me këtë rezultat mbyllet e gjithë ndeshja, e cila falë humbjes së rivalit kryesor Teuta, kuqeblutë e thellojnë edhe më shumë diferencen duke shkuar në plus 5 pikë, diferencë kjo që tre javë përpara përfundimit të kampionatit i jep shanset më të mëdha Vllaznisë për t’u shpallur kampione e Shqipërisë.
Pas javës së 24-tërt, tabelën e klasifikimit e kryeson Vllaznia me 34 pikë e ndjekur nga Teuta me 29 pikë.
(Video) Pamje nga ndeshja, Vllaznia U17-Partizani U17 e mbyllur në barazim 1 me 1.
