Gabimet e Vlahovic dhe Yildiz ishin fatale për bardhezinjtë, ndërsa Empoli shënoi 4 nga 4.
Goditje sensacionale nga Empoli i Ardian Ismajlit(qëndroi në fushë gjatë 45 minutave të para, u zëvendësua nga Saba Goglichidze), që “pushtoi” shtëpinë e Juventusit duke fituar 5-3 pas penalltive (1-1 në kohën e rregullt) dhe duke arritur kështu në gjysmëfinalen e parë të historisë së tyre në Kupën e Italisë.
Toskanët shfrytëzuan një mbrëmje jo për bardhezinjtë dhe kaluan në avantazh në minutën e 24-të me një gjuajtje nga Maleh. Më pas iu afruan disa herë dyfishimit, si me rastin e shtyllës së bujshme të goditur nga Konate në fund të pjesës së parë.
Skuadra vendase barazoi në minutën e 66-të falë një loje të jashtëzakonshme të Thuram. Por goditjet nga njëmbëdhjetë metra vendosën ndeshjen: gabimet e Vlahovic dhe Yildiz ishin fatale për Juventusin, ndërsa Empoli shënoi 4 nga 4. Skuadra e D’Aversa tani do të përballet me Bolonjan në një gjysmëfinale të dyfishtë.