DINAMO-ERZENI 2-0 (19′ Denison, 72′ Kaçorri)
Triumf i rëndësishëm për Dinamon që rimerr vendin e katërt teksa ka mundur me shifrat 2-0 Erzenin në “Air Albania”, në ndeshjen e vlefshme për javën e 31-të në Superiore.
Denisson shënoi me rastin e parë në minutën 19′ dhe u mbrojtën mjaft mirë duke mos i lejuar shijakasve të rrezikonin portën e Salit.
Blutë administruan mirë lojën dhe priten momentin në pjesën e dytë për të mbyllur ndeshjen falë golit të Kaçorrit, i cili shfrytëzoi një gabim të prapavijës mike në momentin e tyre më të mirë.
Kështu, Dinamo kthehet në vendin e katërt, në krahun tjetër, Erzeni rrezikon më shumë rënien, pasi mban vendin e nëntë me 31 pikë.
