Jude Bellingham, ishte heroi i Anglisë, në fitoren 2-1 ndaj Sllovakisë, në ndeshjen e vlefshme për fazën e 1/8-ve në Europian.
Mesfushori anglez, shpëtoi kombëtaren e tij, duke barazuar shifrat me një supergol në minutën e 95-të, për ta dërguar ndeshjen në shtesa.
Megjithatë, futbollisti 21-vjeçar, rrezikon një dënim me pezullim nga UEFA. Shkak për këtë është bërë një gjest i lojtarit, pas golit të barazimit.
Bellingham, u filmua duke bërë një gjest të turpshëm në drejtim të tribunës dhe për këtë arsye po hetohet nga UEFA.
Lojtari deklaroi se gjesti ishte për disa miqtë e tij në tribunë dhe jo për kundërshtarët. UEFA, po pret raportin e ndeshjes nga arbitri, për të marrë më pas një vendim përfundimtar.
Mesfushori rrezikon të pezullohet për ndeshjen e ardhshme, atë ndaj Zvicrës në çerekfinale. Një mungesë e Bellingham, do i hapte shumë probleme Anglisë, për shkak të rëndësisë që ka në ekip ky futbollist.
