Është hedhur në Nion të Zvicrës shorti i fazës së Play Off-it të këtij edicioni të Europa League. Play-Off-et e fazës eliminatore janë risi në formatin e ri të kompeticionit.
Goglat kanë dhuruar disa përballje interesante ku spikat sfida Porto-Roma. Një tjetër përballje interesante është edhe ajo mes Fenerbahçes së Murinjos dhe Anderlehtit.
Ajaksi do të luajë kundër Union SG, ndërkohë që AZ Alkmaar do të përballet me turqit e Gallatasarajit. Tëente-Bodo Glimt, Midtjylland-Sociedad, Paok-Steaua e Bukureshtit dhe Ferencvaros-Plzen janë ndeshjet e tjera të Play Off-it të Europa League.
Ndërsa tetë skuadrat e para në fazën e ligës janë kualifikuar automatikisht për në raundin e 1/8-ve të finales, skuadrat që u renditën nga vendi i 9-të deri në vendin e 24-të do të luajnë në fazën me eliminim. Skuadrat do të luajnë dy ndeshje me sistem vajtje-ardhje në Play Off për të siguruar një vend mes 16 më të mirave të turneut.
Ndeshjet e para të Play Off-it do të luhen në datën 13 shkurt, ndërsa ato të kthimit në 20 shkurt. Shorti i 1/8-ve të finales, çerekfinaleve dhe gjysmëfinaleve do të hidhet më 21 shkurt. Kujtojmë që finalja e Europa League do të luhet në 21 maj në Bilbao.
