Formula 1 shpëton Çmimin e Madh të Belgjikës, i cili do të përfshihet në kalendarin e vitit 2023. Përpara ndalimit në Spa-Francorchamps, cirkuiti historik ishte në fakt në qendër të një debati për anulimin e tij, i cili megjithatë nuk mbërriti. Prandaj, pista belge do të jetë skena e garave të tjera spektakolare të paktën deri në sezonin e ardhshëm.
Kjo është deklarata zyrtare e publikuar në faqen zyrtare: “Formula 1 mund të konfirmojë se Çmimi i Madh i Belgjikës do të jetë në kalendarin e vitit 2023 pas një marrëveshjeje për të zgjatur partneritetin tonë së bashku”.
Arritjen e kësaj marrëveshjeje në mikrofonat e “Sky Sports” e komentoi presidenti i Formula 1, Stefano Domenicali, i cili tha: “Duhet të përgëzojmë për punën e bërë nga organizatorët. Ata bënë një investim të konsiderueshëm dhe e shihni numrin e njerëzve që vijnë këtu… Një turmë e pabesueshme, është fantastike”.
“E shkëlqyeshme, mendoj, për sportin tonë. Gjithmonë kemi thënë se GP belge është një garë që është pjesë e traditës sonë dhe ka një hapësirë shumë të rëndësishme në kalendarin tonë dhe ky është një aspekt që ne kemi dashur ta nënvizojmë në këtë mënyrë”.