Wednesday, February 21, 2024

Futboll Femra-Vllaznia pëson gol pas 17 ndeshjesh Kampionat. Kuqeblutë fitojnë në transfertë 1-2 me Apoloninë dhe vazhdojnë kryesimin me 51 pikë dhe golaverazh 124-1

Lexo

Java e 17-të e Kampionatit Kombëtar të futbollit për femra, vjen me një lajm të veçantë për opinionin sportiv shkodran, kombëtar dhe më gjërë në arenën ndërkombëtare. Bëhet fjalë për një super rekord që Vllaznia e futbollit femra kishte fiksuar në 16 javë kampionat.

16 ndeshje, 16 fitore, 122 goloa të shënuar dhe asnjë të pësuar, ishin shifrat e fiksuara nga Vllaznia e drejtuar nga trajneri Nikolin Leka. Dhe, lajmi vjen pikërisht në javën e 17-të, kur ditën e sotme Vllaznia pëson golin e parë në kampionat.

Ka ndodhur kjo në sfidën Apolonia-Vllaznia, takim i luajtur pasditen e sotme në Fier, dhe merita i takon Valentina Trokës së Apolonisë, e cila shënon golin e parë në këtë kampionat në portën e Vllaznisë. Megjithatë, me dy golat e shënuar nga Megi Doçi dhe Arlinda Kodra, Vllaznia merr tre pikët e plota në këtë ndeshje duke shkuar në kuatën e 51 pikëve duke vijuar të kryesojë kampionatin m 3 pikë më shumë nga Tirana, e cila nga ana e saj fitoi sot thellësisht 10-1 ndaj Skënderbeut me golat e shënuar nga Kodra, Coka (2), Mbrati, Zarka (2), Alijaj, Metalla e Vishkulli (2) për Tiranën, ndërsa për Skënderbeun realizoi Kejsi Potomi.

Në ndeshjet e tjera u arritën këto rezultate: Teuta 0–7 Partizani, Laçi 4–0 Lushnja, Kinostudio 5–0 Kukësi

Java e fundit e kampionatit, ajo e 18-ta përballë dy skuadrat kryesuese, Vllaznia e vendit të parë me 51 pikë dhe Tiranën e vendit të dytë me 48 pikë, takim ky që pritet të luhet në stadiumin “Loro Boriçi”, aty ku edhe një barazim i mundshëm e shpallë Vllanzinë kampione të Shqipërisë për herë të 10-të radhazi, që do të thotë edhe vendosja e yllit në fanelë.

Ndeshjet e javës së 17-të:

Tirana 10–1 Skënderbeu

Teuta 0–7 Partizani

Laçi 4–0 Lushnja

Kinostudio 5–0 Kukësi

Apolonia 1–2 Vllaznia

 

Renditja aktuale

Vllaznia 51 pikë

Tirana 48 pikë

Apolonia 36 pikë

Partizani 31 pikë

Kinostudio 27 pikë

KF Laçi 22 pikë

KF Teuta 15 pikë

Skënderbeu 3 pikë

Kukësi 0 pikë

Lushnja 0 pikë

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img