Java e 26-të e Kampionatit Kombëtar të futbollit për kategorinë e parë ka rezultuar e suksesshme për dy skuadrat kryesuese të renditjes me nga 60 dhe 58 pikë, Bylis dhe Erzeni. Dy skuadrat në fjalë dolën fituese në këtë javë. Ballshiotët sfiduan Maliqin në transfertë 0-4 falë dopietës së shënuar nga shkodrani Eridon Qardaku, si dhe Loran dhe Bej. Ndërkohë që shijakasit fituan në shtëpi 3me 1 ndaj Butrintit. Autor të golave për skuadrën e drejtuar nga Nevil Dede ishin Prenga(2), si dhe Ymerit.
Me interes është pritur derbi verior mes Tërbunit vendas dhe Besëlidhjes mysafire. Takimi i luajtur në stadiumin “Ismail Xhemali”të Pukës është mbyllur me fitoren minimale 1-0 të pukjanëve. Për fitoren e skuadrës së drejtuar nga shkodrani, Elvin Beqiri, ka menduar Armaldo Mezini, i cili ka shënuar një supergol në këtë ndeshje.
Korabi është mundur në transfertë nga Vora 1-2, humbje që provokoi edhe largimin e trajnerit Artan Mërgjyshi.
Në takimet e tjera, Tomorit mund Besën 2-0, Shkumbini humbet në shtëpi 2-3 me Turbinën, Apolonia mund Pogradecin 2-0, si dhe Lunshja mund me të njëjtin rezultat Lushnjen.
Rezultatet e Javës së 26-të të Kategorisë së parë
Erzeni – Butrinti 3-1
Tomori – Besa 2-0
Tërbuni – Besëlidhja 1-0
Maliqi – Bylis 0-4
Shkumbini – Turbina 2-3
Apolonia – Pogradeci 2-0
Vora – Korabi 1-2
Lushnja – Burreli 2-0
