Komisioni i Disiplinës në federatën turke të futbollit ka skualifikuar përjetë presidentin e klubit Ankaragucu, Faruk Koca, që goditi me grushte gjyqtarin Halil Umut Meler në përfundim të ndeshjes kundër Rizespor.
Klubi dënohet edhe me një gjobë prej 60 mijë eurosh dhe do të luajë 5 ndeshje në shtëpi pa praninë e tifozëve. Janë këto masat e marra nga federata turke e futbollit pas ngjarjes së rëndë që tronditi vendin pak ditë më parë.
Pas këtyre ngjarjeve futbolli në Turqi u pezullua dhe do të rifillojë në 19 dhjetor. Presidenti Koca u arrestua pas incidentit dhe më pas dhe dorëheqjen nga drejtimi i klubit.
