Barazimi 0 me 0 në shtëpi me Elbasanin, ka bërë që në formacionin e javës së 26-të të Abissnet Superiore të përzgjidhet vetëm një futbollist. Ai është mbrojtësi i djathtë, Erdenis Gurishta, i cili u vlerësuar për saktësinë e veprimeve në të djathtëm e prapavijës kuqeblu.
Trajnerët e ekipeve Kombëtare kanë përzgjedhur formacionin dhe trajnerin më të mirë të javës së 26-të. Në portë është gardiani i Egnatias, Mario Dajsinani.
Mbrojtja përbëhet nga: Erdenis Gurishta (Vllaznia), Elvis Prençi (Skënderbeu), Blerim Kotobelli (Teuta), Emiljano Musta (AF Elbasani).
Në mesfushë janë: Klevi Qefalija (Dinamo City), Flamur Ruci (Bylis) dhe Gjelbrim Taipi (Partizani).
Në majën e sulmit është Victor da Silva (Bylis), ndërsa krahët përbëhen nga Ardit Nikaj (Skënderbeu) dhe Dejvi Bregu (Dinamo Ciyt).
Trajneri më i mirë i javës së 26-të është përzgjedhur tekniku i Bylisit, Gentian Mezani.