Sulmuesi i Bayernit të Mynihut, Harry Kane mori sot çmimin “Këpuca e Artë 2023/24”, e fituar gjatë sezonit të futbollit evropian që përfundoi qershorin e kaluar.
Sulmuesi anglez mori rezultatin më të mirë të llogaritur duke shumëzuar numrin e golave të shënuar në ndeshjet e kampionatit me koeficientin e vështirësisë së vetë kampionatit (x2): 72 pikë nga 36 gola. Kane, la pas Guirassy (28 gola/56 pikë me Stuttgartin) dhe Mbappé (27 gola/54 pikë me PSG).
“Ky çmim më bën krenar dhe më shpërblen për të gjitha përpjekjet, për atë që shihni dhe atë që nuk shihni. Duhet të falënderoj Bayernin, shokët e mi të skuadrës, stafin, tifozët, familjen, ata që bënë të mundur këtë. Është një çmim për të gjithë, për angazhimin e të gjithëve”, tha Kane.
Ai i bashkohet një grupi të zgjedhur legjendash, duke përfshirë Messin, Cristiano Ronaldon, Ronaldon, Gerd Müller, Eusebio, por Këpuca e Artë nuk ishte qëllimi i Kane: “Nuk do të thoja se ishte ëndrra ime të fitoja këtë çmim. Ëndrra ime e vërtetë ishte të luaja futboll në nivelin më të lartë të mundshëm. Pra, të jesh pjesë e një grupi me këta emra, ndër lojtarët më të mirë ndonjëherë, është diçka e veçantë. Fizikisht dhe mendërisht ndihem sikur jam në momentin më të mirë të karrierës sime”.
