Elbasani u eliminua nga Vllaznia nga Kupa e Shqipërisë pas goditjeve të penalltive. Aron Jukaj ka qenë heroi i ndeshjes së Vllaznisë ndaj Elbasanit, i cili u shpall dhe lojtari i ndeshjes teksa priti një prej penalltive në fund të sfidës. Pas ndeshjes ai u shpreh.
“Bëra punën time, mendoj se i gjithë ekipi dha maksimumin. Luftuam dhe e merituam fitoren. Gjithë ekipi ka bërë maksimumin sonte, ka luftuar, fituam dhe e merituam.
Penalltia e Kasës? Mendova vetëm ta prisja. Kisha besim te vetja që mund ta prisja dhe punën time e bëra.
Qarri? Normalisht, Qarri do të jetë si gjithmonë portieri i parë i Vllaznisë, i uroj shërim shumë të shpejtë. Të them të drejtën jemi tamam si vëllezër. E di që puna është të luftojmë për vendin, por për mua gjithsesi Qarri është portieri i parë.
Desha të falënderoj stafin por veçanërisht Ideal Lakiqin që më ka stërvitur deri tani prej tre vitesh te ekipi i parë dhe jam shumë mirënjohës ndaj tij”, tha Jukaj për RTSH.