Mbrojtësi kuqezi ka komentuar humbjen në Varshavë kundër Polonisë
Mbrojtësi i përfaqësueses kuqezi, Berat Gjimshiti ka komentuar humbjen e pësuar përballë Polonisë, 4-1. Një fillim loje i tensionuar, tre kartona të verdhë në 11 minuta, që sollën dhe golin e parë, ku padyshim që edhe mbrojtja kishte pjesën e fajit.
“Sigurisht që rezultati 4-1 është shumë i lartë, jam i pakënaqur me gabimet që kemi bërë. Në pjesën e parë kemi luajtur mirë. Nuk mbaj mend ndonjë ndeshje të kemi luajtur kaq mirë, por kemi bërë gabime, që nuk duhen lejuar. Kemi punuar me skema të tilla, në goditje standarte, por përsëri kemi lejuar që të pësojmë, nuk mund të bëjmë gabime të tilla”, tha në prononcimin e dhënë pasndeshjes, Poloni-Shqipëri, e mbyllur 4-1 në favor të vendasve, mbrojtësi Gjimshiti.
