Asi i PSG-së arrin 42 gola për kombëtaren dhe “sulmon” Griezmann (44 gola), Giroud është golashënuesi më i mirë me 54 gola. Kylian Mbappé lë pas momentin e keq me PSG-në, rikthehet të veshë fanellën e Francës dhe u jep përgjigje kritikave të ditëve të fundit me një dopietë që rrëzon Holandën dhe i jep Les Bleus kualifikimin për në Euro 2024.
Fenomeni francez, ai shënoi golat me numër 41 dhe 42 për kombëtaren në 72 paraqitje gjithsej, duke arritur dhe më pas duke kaluar në renditjen e golashënuesve të të gjitha kohërave një legjendë si Michel Platini. Tani objektivi tjetër është shoku i tij i skuadrës Antoine Griezmann (44). Thierry Henry (51) dhe lojtari i AC Milan, Olivier Giroud (54) janë disi më larg.
Mbappé theu ngërçin fillimisht pas 7′ me një goditje brenda zonës, por kryevepra e vërtetë e mbrëmjes së tij ishte goli i dyfishimit, me një gjuajtje me këmbën e djathtë që përfundoi nën këndin e sipërm të Verbruggen. Dy perla që dërgojnë një mesazh të qartë për rivalët e tyre, duke përfshirë rivalin e ardhshëm në Champions League, italianët e Milan, në Parc des Princes më 25 tetor.
