Elbasani luan ndosh ta 180 minuta ven dimtare të sezonit në “Loro Boriçi” në pak ditë. Dy sfidat me Vllazninë, fillimisht kampionat dhe më pas për Kupë mund të ndryshojnë situatën në kampin verdheblu, që nuk po kalon momentet më të mirat e mundshme. Në një intervistë enkas për “Panorama Sport”, presidenti Kujtim Llupa, i përgjigjet mikut të tij te Vllaznia, Alban Xhaferit, ku beson se është Elbasani ai që do të fitojë. Llupa nuk heq dorë nga “Final 4”, sepse ekipi, sipas tij, funksionon mirë. Problemin e sheh vetëm te finalizimi, por me afrimet e janarit ka besim se do të vijë kthesa në javët e mbetura. Presidenti ka në fund edhe një thirrje për lojtarët e tij.
President, çfarë po ndodh me Elbasanin?
Unë ekipin e shoh në rritje, edhe pse kanë munguar rezultatet. Ngërçi ka qenë vetëm te goli. Në syrin tim ekipi luan dhe krijon raste, por finalizimi ka munguar dhe na ka penalizuar për të marrë pikët. Ekipi dhe stafi për mua janë në harmoni të plotë.
“Final 4”, mbetet më objektiv apo keni hequr dorë?
Përderisa matematika e lejon, vijon të mbetet objektivi ynë. Pastaj, merkaton e janarit e kemi bërë shumë cilësore me lojtarë si Olberkis, Ibrahim, Zhoel dhe Lukili. Kam shumë besim tek aftësitë e tyre, ndërthurur edhe me pjesën tjetër të grupit aktual. Ne nuk dorëzohemi në asnjë moment.
Nuk keni mundur asnjë nga katërshja e parë, sa ju rëndon ky fakt?
Të jem i sinqertë, moralisht më dhemb. Por duke përjashtuar Dinamon, që është kthyer në një “mace të zezë” për ne, ku në të tria ndeshjet kemi pasur shumë mungesa titullarësh, me ekipet e tjera kemi luajtur në mënyrë të barabartë. Dy barazime me Partizanin, barazim dhe një humbje me Vllazninë që erdhi më shumë si pasojë e gabimeve tona dhe gjithashtu barazim dhe humbje me Egnatian. Ne jemi ekip i ri dhe kemi luajtur të barabartë me katërshen, që janë të konsoliduar prej vitesh tashmë.
Si e prisni dopio duelin me Vllazninë, fillimisht kampionat dhe më pas në Kupë?
Do të fillojmë me fitoret tona me skuadrat e kreut që këtë javë ndaj Vllaznisë. Do t’i marrim me radhë. Miku im, presidenti i Vllaznisë, deklaroi për ju që do ta mundë në të dyja ndeshjet Elbasanin. Unë po i them, që do të dal me fitore nga Shkodra, fillimisht nga kampionati dhe më pas do të shohim Kupën.
A është Kupa një ngushëllim për ju?
Ne do të luftojmë në të dyja frontet, por t’i marrim me radhë. Të shohim të premten, ku uroj të dalim me një rezultat pozitiv nga Shkodra dhe më pas të martën me një fitore të bukur.
Keni një thirrje për lojtarët në këtë moment delikat?Të japin pak më shumë nga vetja dhe të jenë më luftarakë në fushë.
Vladimir MEMA