Me seancën stërvitore të paradites së premte, skuadra kuqeblu e drejtuar nga trajneri Mirel Josa ka mbyllur ciklin përgatitor javor për ndeshjen e fundjavës që Vllaznia do ta luajë në stadiumin “Niko Dovana” të Durrësit përballë Erzenit të Shijakut. Përpara nisjes drejt Durrësit ku do të akomodohet deri në momentin e ndeshjes, tekniku Josa, teksa respekton kundërshtarin, kërkon ta nisë me fitore kampionatin.
Profesor, të shtunën starti zyrtar me Erzenin, në opinionin sportive shkodra presin fitore që në nisje.
Normal, nuk do të thotë që është starti e do ta fitojmë me patjetër ndeshjen. Ne duhet të shkojmë me mendimin për ta fituar ndeshjen. Dhe nuk ka rëndësi niveli i skuadrës që luajmë. Jo vetëm në ndeshjen me Erzenin, por në të gjitha ndeshjet e tjera që do të kemi në vazhdimësi duhet t’i vlerësojmë në maksimum. Duke i vlerësuar kundërshtarët në maksimum, atëherë vlerësojmë punën tonë.
Nga sa është parë në seancat stërvitore, Vllanzia ka mungesa në këtë javë të parë të kampionatit.
Bulatoviç mungon. Nuk do të jetë për arsye dëmtimi. Është dëmtuar që në stërvitje në Pogradec. Nuk u rikuperua. Kemi lojtarë të tjerë të gatshëm. Unë e di maksimumin e lojtarëve. Qoftë lojtarëve që do të fillojnë, qoftë lojtarëve që do të marrin pjesë më vonë në lojë.
Me një Erzen që vjen nga kategoria e parë, mund të konsiderohet në start më i lehtë për Vllazninë?
Ju thashë dhe njëherë. Luajmë me një skuadër që ka treguar karakter vjet në Kategorinë e Parë. Ja arriti qëllimet e veta. Tani ka qëllime të tjera. Kështu që ne nëse nuk v=vlerësojmë skuadrat njëlloj. Pa vlerësimin e kundërshtarëve nuk mund të fitohet një ndeshje. Duhet të vlerësojmë maksimalisht këtë skuadër dhe e di që çdo skuadër dhe lojtar do tregojnë vlerat e veta në këtë kampionat.
Jemi në nisje të sezonit, do të ishte mirë të njihemi me objektivat e Vllaznisë
Unë në çdo skuadër, normalisht nuk jemi futur që do dalim kampionat. Në Shqipëri të paktën gjashtë skuadra deklarojnë se do të dalin kampion. Ju shembullin më të mirë e keni dy vite përpara me Vllazninë, që nuk është futur për të marrë titullin kampion, por erdhi puna që ishte 13 pikë para në kampionat dhe erdhi puna që e humbi kampionatin. Kështu që duhet të shohim shumë drejtë se çfarë do të shohim ne në fushën e lojës dhe se si t’i arrijmë objektivat. Dhe objektivi i skuadrës është të fitojë çdo ndeshje.
Komente të shumta rreth çështjes “Mala”. Është zgjidhur problemi I dokumentacionit, Mala do të jetë gati për javën e parë?
Është një lojtarë të cilin unë i dhashë klubin “ok” për të biseduar me të. Klubi e gjeti akordin. Tani do ndodhi problemi tjetër. Nuk besoj se do të jetë i gatshëm për nesër. Por edhe sikur të ishte i gatshëm për problemet e letrave, të lejes së kalimit, nuk do të luante për faktin që gjendja e tij nuk është e tillë. Por është lojtar që unë e kam kërkuar vetë. E di rendimentin e tij me skuadrat që ka luajtur.
Kampionati po fillon, por merkato është ende e hapur, pret Josa ndonjë i lojtarë tjetër në ekip?
Nuk më pëlqejnë shumë lëvizjet në momentin e fundit. Ju a përmenda dhe pak më parë si puna e Malës. Është lojtar që më është përgjigjur siç ka bërë çdo individ. Por lojtarë që qëndrojnë në klube të tjera dhe i prishet kontrata me klubet e tjera dhe të vijnë te Vllaznia për të gjetur punën e tyre, ata nuk më pëlqejnë. E respektoj djersën që kanë derdhur këta lojtarë dhe përgjegjësinë që kanë për qytetin e Shkodrës dhe për fanellën e Vllaznisë.
Sezonin e kaluar ka pasur shumë akuza për aleanca. I dryheni që mund të ketë përsëri të tilla që mund ta dëmtojnë Vllazninë?
Atëherë duhet të bëjmë dhe ne aleanca? Nuk i diskutoj problemet e aleancave. Vllaznia duhet të ketë aleanca me grupin që do të krijojë. Për sa i përket këtyre të tjerave është turp të merrem një ditë para se të fillojë kampionati. Sepse nëse fillojmë me aleanca dhe nuk do ta shohim se çfarë duam ne, por se çfarë duan klubet e tjera. Ato le të bëjnë çfarëdo aleanca të duan, ne do të shohim punën tonë.
Pas startit me Erzenin, Vllaznia luan me Kukësin dhe Tiranën.
Ne të shohim njëherë problemin e nesërm. Të shohim dhe sot ndeshjen mes Kukësit dhe Tiranës. Mendjen në përgjithësi e kam me ndeshjen në Durrës nesër. Për mua është ndeshje kyçe. Sa më pak probleme do të jenë atëherë do të punojmë më të qetë për ndeshjen tjetër. Nuk dua të përmend Kukës deri sa të mbarojë ndeshja me Erzenin.
