LAÇI 2-0 SKËNDERBEU (Melo 42′, Sobouale 56′ )
Laçi lë pas dy humbjet radhazi dhe merr fitoren e dytë rresht. Pasi mposhtën Tiranën në “Selman Stërmasi” ka mposhtur Skënderbeun në shtëpi me rezultatin 2-0 në sfidën e vlefshme të javës së tetë të Superiores.
Pjesa e parë ishte e ekuilibruar deri në fund të saj, kur në minutën e 42-të vendasit kalojnë në avantazh me anë të Melos. Në pjesën e dytë, kur pritej reagimi i korçarëve, është sërish Laçi që ndëshkon në minutën 56′ ku Sobouale dyfishoi shifrat duke vulosur edhe sfidën. Ndërkohë Skënderbeu provoi të merrte pikë nga kjo sfidë, por ishin të pafuqishëm përballë forcës së kurbinasve.
Në këtë mënyrë korçarët mbetet në vendin e 4-të në klasifikim me 12 pikë.
