Pas pesë ndeshjeve të djeshme të Kampionatit Kombëtar të kategorisë së parë, mes të cilave spikati fitorja e Skënderbeut ndaj Luzit 2008, duke marrë përkëhësisht kreun e renditjes, me interes pritej sdisa e sotme, ku luante kryesueja Dinamo me Tomorrin e vendit të shtatë.
Blutë e drejtuar nga trajneri Nevil Dede, kishin shansin më të mirë, që me një fitore tre pikëshe të ruanin kreun. Por, këtë mundësi nuk ia ka dhënë Tomorri, i cili me një gol të shënuar në minutat shtesë me autor Dushkaj, largohen nga Tirana me tre pikë të rëndëishme, të cilat e ngrejnë skuadrën beratase në vendin e pestë të renditjes.
Ndërkohë, me këtë humbje Dinamo lëshon zyrtarisht vendin e parë, të cilin tashmë e disponon Sklënderbeu me 34 pikë ndaj 31 të Dinamos që zbret në vendin e dytë. Por, blutë dinamovitë rrezikojnë të lëshojnë edhe vendin e dytë. Një fitore e vlonjatëve, nesër, në takimin e fundit të javës së 17-të që luajnë në transfertë me Besën e Kavajës, e kalon Flamurtarin në vendin e dytë me 32 pikë.
Rezultatet e Kategorisë së parë-Java e 17-të
DJE
SKËNDERBEU 2–1 LUZI 2008
Randi 51′, Frashëri 88′ / Cahani 71′
TURBINA 1–0 KORABI
Ahanonu 50′
ORIKU 2–1 BURRELI
Karvalho 7′, Mateus 67′ / Koleci 18′
LUSHNJA 1–1 APOLONIA
Basha 21′ / Gjata 68′
TËRBUNI 0–0 BESËLIDHJA
Takimet djeshme
SOT
Dinamo-Tomorri 0-1
Dushkaj 92’
