Oriku-Flamurtari 0-1 (Shënues: Pedro Augusto 75’)
Derbi vlonjat, Oriku-Flamurtari, apo i quajtur edhe debri i brazilianëve nisur nga lojtarët brazilianë që luajnë në të dy skuadrat përkatëse, është fituar nga Flamurtari me rezultaitn 0 me 1. Ka vendosur kështu një gol i shënuar nga Pedro Augusto në minutën e 75-të të ndeshjes.
Një start ky me fitore ne krye të skuadrës vlonjate për trajnerin italian Diego Longo, duke bërë që Flamurtari të jetë aktualisht në kuotën e 38 pikëve duke lënë pas Dinamon me 37 por me një ndeshje më pak, ndërkohë që kryeson Skënderbeu me 41 pikë.
Sfida në fjalë e e vlefshme për javën e 21-të të Kategorisë së Parë, është shoqëruar me luftë të fortë sportive, por edhe me plot emocione. Pas pjesës së parë të mbyllur me rrjeta të paprekura, është dashur të vinte minuta e 75-të, moment kur Pedro Agusto godet me mjeshtri brenda zones vendase duke e çuar topin në rrjetën e Orikut.
0 me 1 për Flamurtarin, i cili megjithë përpjekjet e shumta të Orikut për të gjetur golin e barazimit, arrin ta ruajë avantazhin deri në fund të ndeshjes e cila për hirë të së vertetës pati një shtesë të gjatë loje.
