Është luajtur ditën e sotme sfida e prapambetur e javës së 17-të të Kategorisë së Parë mes Kastriotit dhe Bylisit. Krutanët kanë arritur të mposhtin me rezultatin 2-1 kryesuesit e kampionatit në stadiumin “Redi Maloku” të Fushë Krujës, duke siguruar tre pikë të arta në luftën për mbijetesë.
Gjithçka ndodh në pjesën e dytë. Kapllani është heroi i Kastriotit në këtë sfidë, duke shënuar 2 gola në këtë sukses të rëndësishëm. Bylisi shkurton diferencat me Lajthinë, por nuk arrin që të evitojë dot humbjen.
Pas këtij takimi, Kastrioti ngjitet në kuotën e 20 pikëve, ndërsa Bylisi pavarësisht humbjes, mbetet në vendin e parë në renditje në kuotën e 51 pikëve.
